Kəlbəcər məktəbliləri “Ölkəmizi tanıyaq” layihəsi çərçivəsində cənub bölgələrinə yola düşdülər

Azərbaycan Prezidenti İlham Əliyevin tapşırığına əsasən “Ölkəmizi tanıyaq” devizi ilə keçirilən maarifləndirici tur-aksiya çərçivəsində noyabrın 12-də Kəlbəcər  rayon məktəblərinin şagirdləri cənub bölgəsi ilə yaxından tanış olmağa yola salındı. Yolasalma mərasimində Kəlbəcər rayon İcra Hakimiyyəti başçısı Aqil Məmmədov, İcra hakimiyyətinin işçiləri, rayon Təhsil idarəsinin işçiləri və valideynlər iştirak etdilər.
  Kəlbəcər rayon İcra hakimiyyətinin başçısı cənab Aqil Məmmədov məktəblilər qarşısında çıxış edərək yaradılmış şəraitə görə ölkə başçısına dərin minnətdarlıqlarının bildirərək qeyd etdi ki, ölkə rəhbərinin tapşırığı ilə həyata keçirilən bu tur çərçivəsində şagirlər ölkəmizin tarixini, adət-ənənələrini, uğurlarını dərindən öyrənmək imkanı qazanacaq və qədim tarixi abidələr, rayonların keçmiş və müasir simasını əks etdirən tarix-diyarşünaslıq muzeyləri, gənclər mərkəzləri, Bayraq meydanları, rəsm qalereyaları və digər obyektlərlə tanışlıq onların dünyagörüşündə silinməz izlər buraxacaqdır. Onların sağlam vətənpərvər gənclər kimi yetişmələrində mühüm rol oynayacaqdır. İcra başçısı qeyd etdi  ki, ölkə rəhbəri tərəfindən şagirdlərə göstərilən bu cür diqqət və qayğıdan onlar maksimum bəhrələnməlidirlər.
   Tur-aksiya çərçivəsində məktəblilər  Kəlbəcər  rayon İcra hakimiyyətinin inzibati binasının  qarşısından 40  nəfər  şagird və 5 nümayəndə heyyətindən  ibarət qrup  Lənkəran şəhərinə yola düşdü.