Kəlbəcər rayon İcra Hakimiyyətinin başçısı Azər Qocayev rayonda fəaliyyət göstərən ümumtəhsil məktəblərinin direktorları ilə video konfrans keçirdib

Kəlbəcər rayon İcra Hakimiyyətinin başçısı Azər Qocayev  Müzəffər ordunun qalib sərkərdəsi ,Silahlı Qüvvələrin Ali Baş komandanı cənab İlham Əliyevin rəhbərliyi 27 sentyabr tarixindən başlayan 44 gün ərzində davam edən Vətən müharibəsinin Azərbaycanın parlaq qələbəsi ilə başa çatdığını vurğulayaraq tarixi qələbə münasibəti ilə konfrans iştirakçılarını təbrik etmiş, Vətənin azadlığı, bütövlüyü yolunda canından keçmiş Şəhidlərimizə rəhmət, qazilərimizə şəfa diləyərək bildirmişdir ki,  şəhidlərimiz hər an bizim qəlbimizdə əbədi yaşayacaqdır.
Konfransın 2 Fevral gənclər gününə təsadüf etdiyi qeyd edən rayon rəhbəri bu gün münasibəti ilə konfransda iştirak edən  gənc məktəb direktorlarını və məktəblərin gənc  kollektivlərini “2 Fevral gənclər günü” münasibəti ilə təbrik edərək gələcək fəaliyyətlərində uğurlar arzulamışdır. O bildirmişdir ki, əsası Ulu Öndər tərəfindən qoyulan dövlət gənclər siyasəti bu gün  Möhtərəm Prezidentimiz cənab İlham Əliyev tərəfindən mahiyyət və keyfiyyətcə yeni bir mərhələyə qədəm qoymuşdur.Ölkəmizdə gənclər hərtərəfli diqqət və qayğı göstərilmiş, gənclərimiz dövlət idarəçiliyində irəli çəkilmişdir.
Rayonun ümumtəhsil məktəblərində tədrisin  əyani formada təşkil olunacağına toxunan  Kəlbəcər rayon İcra Hakimiyyətinin başçısı Azər Qocayev  vurğulamışdır ki, pandemiya şəraitində  2021-ci il 1 fevral tarixindən tədris və təlim-tərbiyə prosesi əyani  formada  təşkil  olunacaq və Azərbaycan Respublikası Nazirlər Kabinetinin “Xüsusi karantin rejimi dövründə Azərbaycan Respublikasının ərazisində fəaliyyət göstərən təhsil müəssisələrinin fəaliyyətinin təşkili ilə bağlı əlavə tədbirlər barədə”  22 yanvar 2021-ci il tarixli, 12 nömrəli  qərarına uyğun olaraq rayonun bütün məktəblərində tədrisin həyata keçirilməsini , mövcud qanunvericiliyin  icrasına ciddi nəzarət edilməsinin vacibliyini qeyd etdi.Video konfransada  korrupsiyaya qarşı ölkəmizdə aparılan  mübarizəyə hər bir vətəndaşın dəstək verməli olduğunu bildirərək Kəlbəcər Rayon İcra Hakimiyyətinin başçısı Azər Qocayev  qeyd etmişdir ki, rayonun bütün ümumtəhsil məktəblərində  şəffalıq təmin edilməli, neqativ hallara yol verilməməlidir.Nöqsanlara yol verən məktəb direktorunun qanun qarşısında  ən sərt şəkildə  cəza alacağını onların diqqətinə çatdırmışdır.