Kəlbəcər Rayon İcra Hakimiyyətinin başçısı Azər Qocayev Vətən Müharibəsində itkin düşmüş əsgər Verdiyev Eldəniz Rabil oğlunun ailəsini ziyarət edib.

     Kəlbəcər Rayon İcra Hakimiyyətinin başçısı Azər Qocayev  Kəlbəcər rayon Seyidlər kənd sakini, Vətən Müharibəsində itkin düşmüş əsgər Verdiyev Eldəniz Rabil oğlunun ailəsini ziyarət etmiş, ailənin qayğıları ilə maraqlanmış və ailə üzvlərinə səbr diləmişdir.
    Kəlbəcər rayon İcra Hakimiyyətinin başçısı Azər Qocayev Müzəffər ordunun qalib sərkərdəsi, Silahlı Qüvvələrin Ali Baş komandanı cənab İlham Əliyevin rəhbərliyi ilə 27 sentyabr tarixindən başlayan 44 gün ərzində davam edən Vətən müharibəsinin Azərbaycanın parlaq qələbəsi ilə başa çatdığını vurğulayaraq tarixi qələbə qazanıldığını və bu qələbədə Verdiyevlər ailəsinində payı olduğunu qeyd edərək, Vətənin azadlığı, bütövlüyü yolunda canından keçmiş Şəhidlərimizə rəhmət, qazilərimizə şəfa diləyərək bildirmişdir ki,  Verdiyev Eldəniz kimi vətənə canlarını fəda etmiş igidlərimizin sayəsində biz doğma Kəlbəcərimizə, Qarabağımıza qayıdırıq.Bu gün dövlətimizin başçısı möhtərəm cənab prezident İlham Əliyev tərəfindən, hörmətli Birinci vitse-prezident Mehriban xanım Əliyeva tərəfindən şəhid ailələrinə böyük diqqət və qayğı ayrılır, onları narahat edən məsələlərə həssaslıqla yanaşılır. Rayon İcra Hakimiyyətidə daima şəhid ailələrinə, qazilərə xüsusi diqqətlə yanaşıb, bundan sonrada bu yanaşma davam edəcəkdir.İtkin düşmüş hərbiçilərimizin talehi dövlətimizin başçısı  cənab İlham Əliyevin xüsusi diqqət mərkəzindədir və bununla bağlı dövlət səviyyəsində aidiyyəti qurumlara müvafiq tapşırıqlar verilmişdir.Ümid edirik ki, tezliklə itkin əsgərlərimiz tapılaraq ailələrinə təhvil veriləcəkdir.

       Azər Qocayev itkin düşmüş hərbiçimizin  ailəsini narahat edən məsələlərlə maraqlanıb. Onların müraciət və istəklərini dinləyən rayon rəhbəri, problemlərin həlli istiqamətində lazım olan bütün tədbirlərin görüləcəyini şəhid ailəsinə bildirdi.
     Verdiyev Eldəniz Rabil oğlunun ailəsi qeyd edib ki, onların övladı ali bir amal - Vətən torpaqlarının işğaldan azad edilməsi uğrunda döyüşüb. O oğulu ilə fəxr etdiyini bildirərək qeyd edib ki, şəhid ailələrinə, itkin düşmüş hərbiçilərimizin ailələrinə, qazilərimizə göstərilən  diqqət və qayğıya görə ölkə başçısı cənab İlham Əliyevə  və Birinci vitse-prezident Mehriban Əliyevaya öz təşəkkürünü ifadə edib.