13 iyun 2014-cü il tarixdə Kəlbəcər rayon ziyalılarının iştirakı ilə 15 iyun Milli Qurtuluş günü münasibətilə ümumrayon yığıncağı keçirildi.

13 iyun 2014-cü il tarixdə Kəlbəcər rayon ziyalılarının iştirakı ilə   15 iyun Milli Qurtuluş günü münasibətilə ümumrayon yığıncağı keçirildi. Tədbir iştirakçıları əvvəlcə Kəlbəcər rayon İcra hakimiyyətinin inzibati binasında Ulu Öndər Heydər Əliyevin abidəsi önünə gül dəstələri qoydular. Daha sonra tədbir İcra hakimiyyətinin inzibati binasının  akt zalında davam etdirildi.
           Tədbiri giriş sözü ilə açan Kəlbəcər Rayon İcra Hakimiyyətinin başçısı cənab Aqil Məmmədov vurğuladı ki, xalqımız Azərbaycanın ən yeni tarixində müstəsna yeri olan Milli Qurtuluş Gününün 21-ci ildönümünü böyük təntənə və  sevinc hissi ilə bayram edir. Tariximizə Milli Qurtuluş Günü kimi daxil olmuş 1993-cü ilin 15 iyun günü onu qiymətləndirənlər, dərindən dərk edənlər üçün çox əzizdir. Vətənini, xalqını sevən həmin çətin, ağrılı günlərin dəhşətlərini yaşayan, hadisələri gözləri ilə görən insanlar üçün 15 iyun əsl qurtuluş tarixidir. Bu tarixi yaradan isə yenə də Azərbaycanın inkişafında, müstəqilliyində, gələcəyində müstəsna rol oynayan, daim xalqına arxalanan və xalqa arxa olan Heydər Əliyevdir.
           Ümummilli Liderimiz Heydər Əliyevin xalqın təkidli tələbi ilə 1993-cü il iyunun 15-də respublikanın siyasi hakimiyyətinə rəhbərliyə yenidən qayıtması xalqımızın çoxəsrlik tarixinə dövlətçiliyimizin Qurtuluş Tarixi kimi daxil oldu. Sonralar, yəni 1997-ci il iyunun 27-də ölkənin ali qanunvericilik orqanı xalqın ən müxtəlif təbəqələrinin arzu və istəklərini nəzərə alaraq Ulu Öndər Heydər Əliyevin hakimiyyətə qayıtdığı 15 iyun gününü «Milli Qurtuluş Günü» elan etmişdir.
        İcra başçısı bildirdi ki, Müstəqil Azərbaycanın ilk Konstitusiyasının yaradıcısı olan Heydər Əliyev demokratik, hüquqi dövlət quruculuğu istiqamətində ardıcıl siyasət yeridərək, ölkədə insan hüquq və azadlıqlarının bərqərar olması üçün əsaslı zəmin yaratdı. Ümummilli lider Heydər Əliyevin müəyyən etdiyi strateji xətt bu gün onun siyasi kursunun davamçısı möhtərəm Prezidentimiz İlham Əliyev tərəfindən uğurla davam etdirilir. Ölkəmizin sosial-iqtisadi, siyasi, mədəni həyatında mühüm və gələcəyə yönəlmiş uğurlu addımlar atılır. Azərbaycan yüksək sürətlə inkişaf edir. Bir sözlə, Ümummilli Lider Heydər Əliyevin siyasəti yaşayır və uğurla həyata keçirilir.
        O dövrdə baş verən hadisələrin təhlili göstərir ki, əgər 1993-cü ilin iyununda xalqın dəvəti ilə Ümummilli Liderimiz Heydər Əliyev yenidən hakimiyyətə qayıtmasaydı, bu gün Azərbaycanın müstəqilliyindən söhbət açmaq mümkün olmayacaqdı. Ona görə də 15 iyun 1993-cü il müasir tariximizdə mühüm mərhələnin başlanğıcı kimi xarakterizə edilir.
          Daha  sonra  YAP Kəlbəcər rayon təşkilatının sədri  Akif  Əsgərov, Nadirxanlı kənd inzibati ərazi dairəsi üzrə nümayəndəsi Fərid Süleymanov, Kəlbəcər rayon Mərkəzi xəstəxanasının həkim –pediatrı Mamedova Svetlana çıxış etdilər.
          Tədbir  konsert proqramı ilə davam etdirildi.