“Ədliyyə orqanları işçilərinin peşə bayramı” günü münasibəti ilə tədbir keçirilmişdir
21 noyabr 2014 | 16:00
21 noyabr 2014-cü il tarixdə Kəlbəcər rayon İcra Hakimiyyətinin İnzibati binasında “Ədliyyə orqanları işçilərinin peşə bayramı” günü münasibəti ilə tədbir keçirilmişdir. Tədbiri Kəlbəcər Rayon İcra Hakimiyyətinin Başçısı cənab Aqil Məmmədov açmış, Azərbaycan Respublikasında ədliyyə orqanlarının rolu, ədliyyə sisteminin tarixi, bu günü və ölkə başçısının ədliyyə orqanlarına və işçilərinə göstərilən diqqət və qayğıdan danışmışdır.
Daha sonra Kəlbəcər Rayon Məhkəməsinin sədri Fuad Mirabov ədliyyə işçilərinin peşə bayramı, onun əhəmiyyəti haqqında ətraflı məruzə etmişdir.
Tədbirin sonunda rayon İcra Hakimiyyətinin başçısı Aqil Məmmədov bir qrup ədliyyə işçisinə xatirə hədiyyələri təqdim etmişdir.
Keçidlər
