Kəlbəcər rayon İcra Hakimiyyətinin başçısı Azər Qocayev 101 yaşlı şəhid anasını ziyarət edib.
08 fevral 2023 | 14:20
Kəlbəcər rayon İcra Hakimiyyətinin başçısı Azər Qocayev Birinci Qarabağ müharibəsində şəhid olan Allahverdiyev Famil Abbasəli oğlunun 101 yaşlı anası Allahverdiyeva Xuraman Ədil qızını ziyarət edib.101 yaşlı Şəhid anasının qayğıları ilə maraqlanan rayon icra hakimiyyətinin başçısı, şanlı Zəfər tariximizdən, ölkəmizdə Müzəffər Ali Baş Komandan, Prezident cənab İlham Əliyev tərəfindən şəhid ailələrinə, müharibə qazilərinə və iştirakçılarına göstərilən diqqət və qayğıdan bəhs edib.
Şəhid anası Xuraman Allahverdiyeva ona və ailəsinə göstərilən yüksək ehtiram və qayğıya görə Müzəffər Ali Baş Komandan cənab İlham Əliyevə və Birinci vitse-prezident Mehriban xanım Əliyevaya öz minnətdarlığını bildirib.
Qeyd edək ki, şəhid Allahverdiyev Famil Abbasəli oğlunun atası Allahverdiyev Abbasəli Həsən oğlu Böyük Vətən Müharibəsinin iştirakçısı olmaqla,1-ci qrup əlil olub.
Keçidlər
