Kəlbəcər Rayon İcra Hakimiyyətinin başçısı Azər Qocayev Kəlbəcər rayonunun işğalı günü şəhid Məhəmmədli İsmayıl Mahir oğlunun ailəsini ziyarət edib.

Kəlbəcər Rayon İcra Hakimiyyətinin başçısı Azər Qocayev, hüquq-mühafizə orqanlarının rəhbərləri Kəlbəcər rayonunun işğalı günü şəhid Məhəmmədli İsmayıl Mahir oğlunun ailəsini ziyarət edib.

Söhbət zamanı Kəlbəcər rayon İcra Hakimiyyətinin başçısı Azər Qocayev qeyd edib ki, bu gün Kəlbəcər rayonunun erməni vandalları tərəfindən işğal edildiyi gündür.İllər boyu kəlbəcərlilər işğalın ağrı və acılarını çəkərək yaşayır, ancaq heç vaxt ümidlərini itirmirdilər. Əmin idilər ki, onlar öz doğma yurd-yuvalarına qovuşacaqlar.Ümumilli Lider Heydər Əliyevin və onun layiqli siyasi varisi, dövlətimizin başçısı cənab İlham Əliyevin apardığı, uzaqgörən, məqsədyönlü daxili və xarici siyasət hər gün bir addımda bizi qələbəyə yaxınlaşdırdı.Və nəhayyət həmin an gəldi, yetişdi. 44 günlük Vətən müharibəsində və anterror əməliyyatlarında Azərbaycan əsgəri böyük qəhrəmanlıq göstərdi. Dövlətimizin başçısı, Müzəffər Ali Baş Komandan İlham Əliyevin rəhbərliyi altında Ordumuz düşməni məhv etdi. Ərazi bütövlüyümüz tam bərpa edildi.Məhz İsmayıl kimi qəhrəman oğullarımızın sayəsində ərazi bütövlüyümüz tam bərpa edilib, müqəddəs bayrağımız azad səmamızda qürurla dalğalanır.

Mənfur düşmənin xalqımıza qarşı etdiyi heç bir qanlı cinayyət unudulmamalıdır.Biz kəlbəcərlilərdə bu günü unutmur, lakin fərəh hissi ilə deyirik ki, artıq Kəlbəcərin işğalından 32 il keçmir.

Bu gün Kəlbəcər rayonu Müzəffər Ali Baş Komandan, Qarabağımızın memarı cənab İlham Əliyev tərəfindən yenidən qurulur, rayon sakinlərinin öz doğma yurdlarına tez bir zamanda qayıtması üçün bütün zəruri addımlar atılır.

Eyni zamanda vurğulanıb ki, şəhid ailələri, qazilər, müharibə veteranları daima dövlətimizin diqqət və qayğısı ilə əhatə olunublar, onların həyat şəraitinin dahada yaxşılaşdırlması istiqamətində tədbirlər davam etdirilir.

Şəhidin ailə üzvləri onlara göstərilən diqqət və qayğıya görə dövlətimizin başçısı, Müzəffər Ali Baş Komandan cənab İlham Əliyevə və Birinci vitse-prezident Mehriban xanım Əliyevaya minnətdarlıqlarını ifadə ediblər.

Qeyd edək ki, Məhəmmədli İsmayıl Mahir oğlu 01 yanvar 1996-cı ildə Gəncə şəhərində anadan olub. Əslən Kəlbəcər rayonundan idi. Orta məktəbi Gəncə şəhərində oxuyan İsmayıl 11 illik orta təhsilini başa vurduqdan sonra Səfərbərlik və Hərbi Xidmətə Çağırış üzrə Dövlət Xidmətinin Kəlbəcər rayon bölməsi tərəfindən həqiqi hərbi xidmətə çağırılıb. Hərbi xidmətdə olduğu müddətdə də öz biliyi, bacarığı və xüsusi xidməti ilə fərqlənib. Daha sonra xidmətini Silahlı Qüvvələrin “N” saylı hərbi hissəsində gizir kimi davam etdirib. Azərbaycan Ordusunun giziri olan İsmayıl Məhəmmədli 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Murovdağ istiqamətində gedən döyüşlərdə böyük şücaət göstərib. 29 sentyabr 2020-ci il tarixdə Murovdağ istiqamətində gedən döyüşlərdə qəhrəmancasına şəhid olub. 14 dekabr 2020-ci ildə Göygöl rayon Şəhidlər Xiyabanında dəfn edilib. Azərbaycan Respublikasının Prezidenti cənab İlham Əliyevin Sərəncamı ilə ölümündən sonra “Vətən uğrunda” və “Kəlbəcərin azad olunmasına görə” medalları ilə təltif edilmişdir.Allah şəhidlərimizə rəhmət eləsin!