PREZİDENT CƏNAB İLHAM ƏLİYEVİN DOĞUM GÜNÜDÜR.
Dekabrın 24-də Azərbaycan Respublikasının Prezidenti, Müzəffər Ali Baş Komandan cənab İlham Əliyevin doğum günüdür.
Ölkə başçısı yeni yaşını Müzəffər Ali Baş Komandan, qalib sərkərdə kimi qarşılayır.
Prezident İlham Əliyev bütün dünya azərbaycanlılarının Lideri olduğunu onların ən böyük arzusunu həyata keçirməklə təsdiq edib. Eyni zamanda, Prezident İlham Əliyev adını türk dünyası tarixinə Qarabağ həsrətinə son qoyan şəxsiyyət kimi yazdırıb. Odur ki, bu gün Azərbaycan xalqı Prezident İlham Əliyevi vətənpərvərlik, qətiyyət, əzm, prinsipiallıq və dönməzlik rəmzinə çevrilən Lider kimi sevir, dəstəkləyir. Hər kəs Prezident İlham Əliyevi xilaskar Lider və Azərbaycan tarixinin ən qüdrətli sərkərdəsi olaraq qəbul edir.
Qeyd edək ki, İlham Heydər oğlu Əliyev 1961-ci il dekabrın 24-də Bakı şəhərində anadan olub.
Kəlbəcərlilər adından Müzəffər Ali Baş Komandan cənab İlham Əliyevi doğum günü münasibətilə təbrik edir, möhkəm cansağlığı, dövləti fəaliyyətində uğurlar arzulayırıq. Biz kəlbəcərlilər hər zaman Qarabağımızı, Kəlbəcərimizi bizlərə bəxş edən qalib Sərkərdənin yanındayıq!
